ROSATA: URUKUNDO N'UBWIZA

Rosata ni umukobwa witonda w'umukirisito wiyemeje gukurikiza ibyanditswe byose akaba n'umuririmbyi mu itorero nsengeramo. Nta mavuta ya special ajya yisiga. Ni inkumi yirabura itajya ishishikazwa no kwirimbisha cyane ngo ni umwirato imbere y'Imana ngo Imana ireba umutima.

Ariko abantu ntibareba umutima. Akenshi umutima w'umuhungu ugushwa n'ubwiza bw'inyuma mbere y'uko atangira kwita ku bupfura bwo mu mutima. Uwo mukobwa nta mukobwa umwitayeho. Abakobwa b'urungano rwe barasabwa umusubirizo ariko agiye kugwa kuziko. Basigaye barambagiza murumuna we uzi kwiyitaho, usuka imisatsi, cyangwa akayinyereza amavuta akamujejeta hose, iminwa akayitukuza kandi akisiga amavuta atuma uruhu rwe rucya. Maze iminsi mbona Rosata afite agahinda kandi nta kizere asigaranye muri we.

ROSATA YISUBIYEHO

Hashize nk'amezi abiri njyiye mu mujye, nyura kwa ba Rosata kuko se dukorana ubucuruzi. Nari nyuzeyo n'umugore wanjye. Rosata yarahindutse. Nabonye ko yiyogoshe ingoye, mu mwanya wazo asigamo agakaramu kabugenewe, yaguze lips asiga ku minwa, nubwo itatukuraga yarabengeranaga, yari yaradefrije imisatsi kandi yarisize utuvuta special bita Fair and Lovely dutuma umubiri ucya kandi ugashimisha: yarabaye inkumi iteye igikundiro, ibisigo nsingira abo nkunda numvise bimukwiriye. Sinzi uwamwibiye ibanga ariko nabonye afite ikizere muri we kuko nabonaga amaso ye arabagiranamo ibinezaneza, wasanga hari uwamubajije ni ba byashoboka. Iyi ni inkuru y'abakobwa.

Shyiraho Igitekerezo!

[Ibitekerezo]

Related Posts by Categories