UBUVUZI NO KWIKINISHA

Mu 1716, i Londres mu Bwongereza hasohotse tract yitwa Onania(Bikomoka kuri Onan wo muri Bibiliya wasohoreye hanze ngo adatera inda umugore wa mwene se akabyara umwana utari uwe akabihanirwa n'Imana.) Muri iyo tract umwanditsi avuga ko kwikinisha ari icyaha cyo kwitesha agaciro kandi bitera umuntu kudashyukwa, gonorrhea n'izindi ndwara.

Mu 1760,Umusuwisi Samuel-Auguste Tissot, mu gitabo cye L'Onanisme, nawe ahamya ko kwikinisha bigira ingaruka mbi ku mubiri.

Byageze aho bakora amakabutura y'abahungu atabemerera kwikora ku gitsina bacishije ikiganza mu mufuka, intebe zo ku mashuri zitemerera abana kubumba amaguru no kubuza abakobwa gutwara amagare n'indogobe kuko byatuma bumva uburyohe mu gitsina bigatuma bikinisha. Abahungu n'abakobwa byagaragaraga ko bikinisha bavugwaga ko bafite "roho zoroshye."

Ibihano na byo byari biteye ubwoba; harimo kubabaza uwikinishije bamushyize ku mashanyarazi, uwananiranye bakamukona!Gukeba abana bakivuka byarakoreshejwe kuko ngo imboro ikebye ntibyoroshye kuyikinisha. Nyuma abantu baje kujya batera ubwoba abikinisha bababwira ko bazaba impumyi, bazamera ubwoya ku mubiri wose nk'ibikoko,kandi iryo terabwoba n'ubu riracyakoreshwa.

Uko ubuvuzi bubona ikibazo cyo kwikinisha byagiye bihinduka uko imyaka yagiye icaho. Mu mwaka w'1897, H. Havelock Ellis, mu gitabo cye Psychology of Sex, arwanya ibitekerezo bya Tissot wavugaga ko kwikinisha ari bibi cyane. H. Havelock Ellis atanga ilisiti y'abantu b'ibirangirire bo mu gihe cye bikinishaga. Yavuze ko "Kwikinisha mu rugero, mu bantu basanzwe badafite ibindi bibazo by'ubuzima, nta ngaruka bishobora kubatera."

Hagati ya 1940-1950,Alfred Kinsey , umuganga mu by'ibitsina ahamya ko kwikinisha ari ibintu byiza mu buryo bwa kamere mu bahungu n'abakobwa.

Mu 1994, Muganga Mukuru w'Amerika,Dr. Joycelyn Elders, yirukanywe ku kazi na Perezida Bill Clinton amaze kuvuga ko kwikinisha bigomba kwigishwa mu mashuri kandi abana bakabwirwa ko nta cyo bitwaye.

INKURU BIFITANYE ISANO

Isomo ryo Kwikinisha ku Bagore n'Abakobwa

Kwikinisha:Gushimishwa n'Igitsina Ntawe Mufatanyije!

Ibitekerezo ku Kwikinisha

Mbese Kwikinisha Birababaza?

Icyo Ubushakashatsi Buvuga Ku Kwikinisha

Ibinyoma ku Kwikinisha

Mbese Kwikinisha Hari Icyo Byantwara?

Mbese Abagabo Bafite Abagore Barikinisha?

Kwikinisha, Umugore no Gusohora

Kwikinisha:Inkomoko y'Isoni n'Ikimwaro

Shyiraho Igitekerezo!

[Ibitekerezo]

Related Posts by Categories