Gusohora Vuba no Gutinda Gusohora

Nk’uko twakomeje kubisabwa n’ abakunzi bacu ko twabasobanurira ku bijyanye no gusohora vuba no gutinda gusohora mu gihe cyo gutera akabariro ,tuje kubibavira imuzi.
Mu busanzwe igikorwa cyo gusohora ni igikorwa gituruka mu bwonko kandi kikaba ntabushake umuntu abigize mo ( reflex) kigenzurwa n’ umwakura (pudendal nerve ) ukoresha ibice by’ imyanya ndanga gitsina (uruhago rw’inkari, imabya, imboro na rugongo ku bagore ).
Gusora ni igikorwa cyo kurekura amasohoro aturuka mu mabya (semen ) ndetse n’ uruvange rw’andi matembabuzi arekurwa n’utundi duce tugize imyanya myibarukiro y’ umugabo (accessory glands fluids ) byose bigahurira mu muyoboro w’ inkari ( urethra) .

• Mu gihe cyo gusohora ntibishoboka ko umugabo ashobora kunyara kubera ko uruhago ruba rwifunze kugirango inkari zitanduza amasohoro ( twibuke ko amasohoro n’ inkari byose bica mu muheha umwe (urethra)) ntibishobora rero kubera rimwe keretse hari uburwayi bubyihishe inyuma .

BUMWE MU BURWAYI BUJYANYE N’ IMISOHORERE (EJACULATION DISORDERS)
. Hari uburwayi butandukanye burebana no gusohora ari bwo :

• Gusohora icyinyumanyuma ( retrograde ejaculation)
• Gusohora vuba (premature ejaculation )
• Gutinda gusohora ( delayed or retarded ejaculation )
• Kudasohora (anejaculation or failure to ejaculate )
• Uyu mwanya tugiye kurebera hamwe GUSOHORA VUBA no GUTINDA GUSOHORA mu buryo burambuye kugirango ibyotwibaza tubibonere ibisubizo.

Muri rusange bavuga “GUSOHORA VUBA “ iyo umuntu ( umugabo cg umusore ) asohoye atigeze abona umwanya uhagije wo gutegurwa ku byerekeranye n’ imibonano mpuzabitsina ndetse bikanaba bimutunguye atigeze yumva ashatse imibonano bihagije (minimal sexual stimulation & desire ), bishobora kuba iby’ ibihe byose (life-long or primary ) cg se byaraje nyuma ( secondary ) bitewe n’ impamvu runaka nko kubagwa , gukomereka , indwara zo mu mutwe ,… Akenshi impamvu yabyo iba itazwi ariko muri rusange usanga ari uruhurirane rw’ indwara z’ ubwonko( imitekerereze ) n’ iz’ imiterere y’ umubiri w’ umuntu (psychological and physical conditions).
GUTINDA GUSOHORA
Ni ukunanirwa gusohora ( kurangiza ) ku mugabo mu gihe kirekire kuva umugabo atangiye gushaka no gukora imibonano.
Ubusanzwe igihe cyiza cyo gusohora ni hagati y’ iminota 2 na 10 umugabo atangiye imibonano .
Uko abagabo bagenda bakura (basaza )ni ko n’ igihe basohorera kigenda kirusha ho kwiyongera ( kiba kirekire ) hakaba n ‘ubwo gishobora kwiyongera kugeza ku minota 30 umugabo atarasohora uhereye igihe yatangiriye kugira ubushake .
Iki kibazo gishobora kugira impamvu zinyuranye nka :

• Gukoresha imiti ivura depression( imwe n’ imwe )
• Kuba igitsina cy’ umugabo cyatakaje ibyumvirizo (perte de sensation sexuelle du penis) cyane cyane ku barwayi ba diabete
• Ihungabana ry’ imitekerereze (psychological disorders):nka nyuma yo gupfakara cg divorce.
• Hakaba n’igihe nta mpamvu iba izwi yabiteye ( idiopathic condition).

Ikibabaje ni uko nta miti izwi ifite ubushobozi buhagije bwo kuvura iki kibazo ariko iyo bibangamiye umurwayi cyane bashobora kumufasha bakoresheje uburyo bwo gutitiza igitsina cye bigatuma yihuta mu gusohora ari byo bita :”penile vibratory therapy”. Ibintu bimwe na bimwe bifite uruhare rugaragara mu gutera kurangiza vuba twavuga nka :

•  Kujya gukora imibonano utiyizeye ko uri buze gushimisha umukunzi wawe (underestimation ),
•  Kujya gukora imibonano uhangayitse (ufite depression )
•  Kujya gukora imibonano ufite ibibazo by’amafaranga biguhangayikishije cyane ( ari byo uru kwitekerereza) .
•  Kuba wakoreshejwe imibonano ku gahato (sexual repression )
• Kuba utigirira ikizere mu busanzwe (wisuzugura ko nta cyo ushoboye )
• Kuba utinya uwo mugiye gukorana imibonano( mutamenyeranye )
•  Kuba mukoze imibonano nyuma y’amakimbirane atakemuwe neza .
•  Kuba mutabanje kuganira neza ngo mubyinjire mo mwembi
• Kuba washatse imbonano cyane kandi umwanya muremure (ugatinda kuyikora)
• Kuba utamenyereye imibonano (umubiri uba wumva ushaka ku maximize ayo mahirwe ubonye bigatuma umugabo asohora vuba ).
• Ubushakashatsi bwagaragaje ko abagabo benshi bashakanye n’ abagore babarusha imyaka basohora vuba kurusha abashakanye n’ abo bari mu kigero kimwe.

ICYO WAKORA KUGIRANGO WONGERE IGIHE CYO GUSOHORA :
o Gufata imiti irwanya ubwoba ,uburakari no kwiheba (anxiolytic & anti-depressant medications)
o Gukora imyitozo ngorora mubiri yoroheje mbere yo gukora imibonano
o Kwirinda kurakaranya n’umukunzi wawe mbere y’ imibonano
o Kwigirira ikizere ko ushoboye
o Kutagira ubwoba
o Gukorera imibonano ahantu hatanga umutuzo utikanga ko hari uri bubabone .
GUTINDA KURANGIZA ( GUSOHORA ) : DELAYED EJACULATION
:
Ni ukumara igihe kirekire birenze ibisanzwe : 2-10min ( ≥ 30 min kuva utangiye kugira ubushake (sexual stimulation) utarasohora .
Bamwe muri bene abo bantu ntibaba banashobora gusohorera mu gitsina cy’ umugore (umukobwa) ahubwo bagasohora ari uko bakoze imibonano yo mu kanwa , caresses zo gugitsina (manual penile stimulation) cg se ari uko bikinishije (menstrubation ).
Hari ibyiciri bitandukanye byo gutinda kurangiza ari byo :
• Iby’ubuzima bwose (lifelong) : kuva umuntu atangiye gusohora (puberite ) kugeza ashaje • Ibiza nyuma (acquired):mbere biba byari byiza bigahinduka nyuma • Ibya rusanga (generalized ) : iyo biba hatitawe ku wo mwakoranye imibonano N’ uburyo bwo gutegurana • Iby’ umwihariko ( situational delayed ejaculation ) : iyi bitewe n’ uwo mwakoranye imibonano uburyo mwabyinjiye mo .
Impamvu zishobora gutera gutinda gusohora twazikubira mu byiciri bibili ari byo :

1. Imitekerereze (psychological causes )
2. Imimerere y’ umubiri (physical causes )

NIBA UBONA BIKUBANGAMIYE cg BIBANGAMIYE IMIBANIRE YANYU (COUPLE) , GANA MUGANGA AGUFASHE .
Hifashishijwe : http://vsearch.nlm.nih.gov/vivisimo…



Urakoze gusoma iyi nkuru kuri Igituba.org, shyiraho igitekerezo cyawe, twungure inama, tubwire uko ubona iby'igitsina na experiences zawe, tubaze cyangwa utwoherereze inkuru n'amafoto ku igitsina kuri bangambiki@igituba.org cyangwa bangambiki@bangambiki.com. Ohereza umwirondoro tugushakire inshuti ku Igihozo
H.Bangambiki

Shyiraho Igitekerezo!

[Ibitekerezo]

Related Posts by Categories