U Rwanda ruri mu bihugu 6 bifite abagore n'abakobwa beza kurusha abandi muri Africa

www.gituba.org
Ni kenshi hagiye hakorwa intone zitandukanye z’ibihugu bifite abagore/Abakobwa beza muri Africa ariko ntizivugweho rumwe aho usanga buri wese akurura yishyira ndetse abandi ntibemere ibiba byagendeweho hakorwa izi ntonde.
N’ubwo ariko abantu benshi batemeranywa n’uburyo ibihugu bishyirwa ku myanya mu kugira abagore beza,bemera ko hari agace ka Afurika karangwamo abagore/abakobwa beza kurusha abandi aho usanga mu ntonde zinyuranye zikorwa ahantu hatandukanye hari ibihugu bimwe gigenda bigarukamo.
Nk’uko tubikesha ubushakashatsi bwashyizwe ahagaragara n’ikinyamakuru Mail&Guardian Africa,hari bihugu bihurirwaho n’abantu benshi mu kugira abakobwa/abagore beza kurusha abandi muri Africa.Ibyo bihugu ni Ethiopia,Eritrea,Rwanda,Somalia,Egypt ndetse na Ghana.
Nk’uko bigaragazwa n’abashakashatsi butandukanye,ibihugu byo mu ihembe rya Africa/uburasirazuba nibyo byahurijweho mu kuba bifite abakobwa/abagore beza kurusha ibindi bice bitandukanye by’uyu mugabane dutuye.Aha ariko umuntu yakwibaza impamvu ibi bihugu aribyo bihurizwaho n’ubushakashatsi bunyuranye.

U Rwanda ruzwiho kugira abakobwa beza cyane(Photo:Miss Rwanda 2012)
Abashakashatsi kandi bagaragaje ko ubwiza bw’abagore n’abakobwa bo muri ibi bihugu twavuze haruguru birimo n’u Rwanda bufite ibintu byinshi bukomokaho harimo ikirere,imirire,imibereho y’abaturuge baho kuva mu myaka irenga igihumbi ishize,amashyamba,umuco,ndetse n’ibindi bintu usanga bifite imizi ku myaka ibihumbi n’ibihumbi ishize.

Ubwiza bw'abanyarwandakazi burazwi ku isi hose
Uramutse uvuze ko mu Rwanda haba abakobwa/abagore beza kandi nawe uri umunyarwanda bishobora kwitwa gukurura wishyira,kwikunda,kwitaka ndetse n’ibindi.Ariko na none ntitwakwirengagiza ko mu bihumbi by’abanyamahanga basura u Rwanda baba abo mu bihugu duturanye ndetse n’ibya kure iyo bajijwe ikintu kidasanzwe babonye mu Rwanda,mu bya mbere bavuga kandi bahurizaho harimo ko batangajwe n’ubwiza budasanzwe bw’abakobwa n’abagore b’abanyarwandakazi.
Ese wowe uremeranya n’ubu bushakashatsi bwagaragaje ko u Rwanda ruri mu bihugu 6 bya mbere birangwamo abakobwa n’abagore beza kurusha ibindi muri Africa?


Kurikira iyi blog kuri facebook
http://www.facebook.com/Igitsina(Groupe)
http://www.facebook.com/Igitsina (Page)

Shyiraho Igitekerezo!

[Ibitekerezo]

Related Posts by Categories