Ni iki wakora ngo ubw wabyara umwana w’umuhungu

www.gituba.org
Abemera Imana bavuga ko ari yo itanga urubyaro, ndetse ikanagena igitsina cy’umwana umuntu abyara. Gusa nk’uko impuguke mu buvuzi babitangaza, ngo hari ibyo umuntu yakora kugira ngo yongere amahirwe yo kubyara umwana yifuza, yaba umuhungu cyangwa umukobwa.

Dore bimwe mu byakorwa kugira ngo hongerwe amahirwe yo kubyara umwana w’umuhungu.

Kurya ibintu birimo umunyu kurusha ibirimo isukari

Ubu buryo buhabwa amahirwe cyane mu gutuma umugore abasha kubyara umwana w’umuhungu. Umugore ufite Potassium na Sodium nyinshi mu mubiri we, ni ukuvuga ko aba arya ibiryo birimo umunyu cyane bongera amahirwe yo kubyara umwana w’umuhungu.

Gusa, ni ngombwa kubanza kugisha inama muganga mbere yo kuyoboka ino ndyo. Ikindi ni uko iyi mirire ntacyo iba ikimaze iyo umugore yamaze gusama, kuko igitsina cy’umwana kiba gihari kuva umwana agitangira kuremwa.

Uburyo busanzwe

Mu buryo bwongera amahirwe yo kubyara umuhungu, harimo ubwitwa ubusanzwe. Kugira ngo umuntu yongere amahirwe yo kubyara umuhungu, ubu buryo butanga inama yo gukora imibonano mpuzabitsina mu gihe nyir’izina cy’uburumbuke.

Ibi bisaba kugira ukwezi k’umugore kudahinduka (cycle regulier) kandi ukamenya itariki nyayo igi riri burekurirweho (ovulation), akenshi ku mugore ugira ukwezi kudahinduka kw’iminsi 28 rirekurwa ku munsi wa 14.

Ngo impamvu gukoresha ubu buryo byongera amahirwe yo kubyara umwana w’umuhungu, ni uko intanga ngabo zitanga abana b’abahungu (spermatozoïdes males), zihuta kurusha izibyara abakobwa. Icyo gihe intanga ngabo itanze izindi kugera ku igi ry’umugore (ovule), amahirwe menshi ni uko izaba ari ibyara umuhungu.

Ubu buryo butanga inama yo gukora imibonano mpuzabitsina amasaha 24 mbere y’irekurwa rya ovule kugeza ku masaha 12 nyuma yayo.

Uburyo bwo kunywa ikawa nyinshi

Ubundi buryo bwifashishwa kugira ngo umugore azabyare umwana w’umuhungu, ni uko umugabo yanywa igikombe kinini cy’ikawa mbere gato y’uko akora imibonano mpuzabitsina. Ngo ibi bituma intanga ngabo y’ingabo igira imbaraga.

Gukora imibonano mpuzabitsina mu gitondo na byo byongera amahirwe yo kubyara umuhungu kuko intanga ngabo z’ingabo ziba zigifite imbaraga kandi zitananiwe na gato.

Kurya indyo yuzuye

Abagore barya ibiryo birimo ibitera imbaraga byinshi (les calories) birenze ibisabwa buri munsi byongera amahirwe yo kubyara abana b’abahungu. Umugore agomba kurya ibiryo byose ndetse no kugira imirire irenze ikenewe. Gusa, umugore akwiye kwirinda kunywa cyane amata kuko yo yongera amahirwe yo kubyara umwana w’umukobwa.

Gusa ngo yaba umwana w’umuhungu cyangwa umukobwa, urubuga www.comment-tomber-enceinte-rapidement.com ari rwo dukesha aya makuru, rugira inama ababyeyi kubyishimira ku rugero rungana.

Shyiraho Igitekerezo!

[Ibitekerezo]

Related Posts by Categories