Abanyamideli 10 Bahigaga Abandi muri za 90

www.gituba.org
Uretse no kuba ubu barimo kugenda basatira imyaka y’ubukure, ubwiza bw’aba bagore buracyabagaragaraho ku myaka yabo by’umwihariko muri iyo myaka baricaga bagakiza ku buryo bafatwa nk’abo ibihe byose, bitangazwa na Naturelle Magazine.
1.Cindy Crawford :
Cindy ni umunyamideli ukomoka muri Leta zunze ubumwe za Amerika ahitwa Illinois, yavutse mu mwaka w’  1966 ubu akaba ari umubyeyi w’imyaka 49 y’amavuko, w’uburebure bwa 1m75,  yatangiye kumenyekana muri mwuga wo kwerekana imidel ubwo yari afite imyaka 15 y’amavuko.

Uyu mugore yashakanye n’abagabo 2, uwa nyuma batandukanye mu mwaka w’1998 akaba abana n’abana be 2, uretse no kuba umunyamideli uyu mugore yakoraga mu biganiro kuri televiziyo ndetse aza no kugenda agaragara muri Filimi nka Fair Game, 54,…
2.Linda Evangelista:
Linda yavutse mu mwaka w’1965 muri Canada akaba yarakomokaga ku mubyeyi (nyina) wakomokaga mu gihugu cy’u Butaliyani, nawe yatangiye umwuga wo kwerekana imideli ubwo yari afite imyaka 15 y’amavuko.

Uyu mugore w’imyaka 50 ubwiza bwe bwavugishaga benshi, yaje gushakana na Gerald Marie mu mwaka w’1987-1993, ubu akaba afite umwana umwe gusa.
3.Tyra Banks

Yavutse mu mwaka w’1973 muri Leta zunze ubumwe za Amerika, ubu afite imyaka 41 y’amavuko, uyu mugore yarakunzwe kubera ubwiza yari afite bwakururaga abagabo batagira ingano, Tyra niwe mwirabura wa mbere w’umunyamerika wagaragaye ku bifuniko byinshi bya za magazine nyinshi kandi  zitandukanye ku isi.
4.Claudia Schiffer

Ni umudagekazi wavutse mu mwaka w’ 1970, ku myaka 17 nibwo yatangiye kugaragara mu ruhando rw’abanyamideli, uyu mubyeyi w’abana 2 bashyingiwe muri 2002 akaba yaragize amahirwe yo kuba uwa mbere wakorewe ishusho rishyirwa mu inzu ndangamurage y’i Paris (Musée Grévin).
5.Adriana Karembeu

Umugore w’uburebure bwa 1m85 akaba yaravutse muri Slovaquie mu mwaka w’1971, yatangiye kwinjira mu mwuga wo kwerekana imideli ubwo yari ageze mu mwaka wa 3 mu ishami yigaga ry’ubuvuzi (medecine).
Ku myaka 43 y’amavuko Adriana amaze gushakana n’abagabo 3, uwanyuma bashakanye umwaka ushize wa 2014 akaba abaho nta mwana n’umwe agira, uyu mugore yaramamaye cyane haba mu mideli ndetse no mu gukina filimi.
6.Naomi Campbell

Naomi ni umunyamideli ukomoka mu Bwongereza, yavutse mu mwaka w’1970 i Londres ariko akaba afite inkomoko mu gihugu cya Jamaïcaine. Bwa mbere uyu mukobwa yagaragaye imbere y’imbaga y’abantu ubwo yari afite imyaka 7 mu mashusho y’indirimbo ya Bob Marley (is this love) yagaragaye bwa mbere ku gifuniko cya Magazine ELLE ubwo yari afite imyaka 15, yabaye umuntu wa mbere ufite uruhu rwirabura wagaragaye ku gifuniko cya Magazine (Vogue).
7.Laetitia Casta

Ni umufaransakazi wavutse mu mwaka w’1978 ahitwa Pont Audema, yatangiye umwuga ku myaka 15 y’amavuko nyuma y’uko yari avuye mu marushanwa ya banyampinga mu gace yari atuyemo, nyuma yaho gato yakomeje kwigaragaza muri cinema na théâtre, muri 2000 yabaye umunyamideli wa mbere mu marushanwa ategurwa na Marianne Magazine.
8.Karen Mulder

Ni umuholandikazi wavutse mu mwaka w’ 1970. Ni umunyamideli akaba n’umuririmbyi, yashakanye na René Bosne mu mwaka 1988 ariko mu 1993 baratandukana (divorce), mu mwaka wa 2001 uyu mugore yagize ibibazo by’uburwayi bw’agahinda gakabije (depression) aza no kumara igihe mu bitaro ubwo yari yashatse kwiyahura.
Iki cyamamare cy’imyaka 44 y’amavuko, cyagiye gihura n’ibibazo byinshi dore yanitangarije ko hari abantu bagerageje kumufata ku ngufu, muri 2004 nibwo yafashe icyemezo cyo kwerekera mu muziki, muri 2009 nibwo byatangajwe na dailymail ko Mulder yatawe muri yombi mu Bufaransa ariko icyo yaziraga kigirwa ibanga.
9.Eva Herzigova

Yavutse mu mwaka w’ 1973 muri République Tchèque. Yinjiye mu mwuga wo kwerekana imideli ubwo yari afite imyaka 16 ari nabwo yari amaze kwegukana ikamba mu marushanwa yo kwerekano impano y’ubwiza muri Prague, uyu mukobwa yagiye agaragara kuri calindari Pirilli imyaka myinshi, amafoto ye agaragaza bimwe mu bice bye byakwitwa ko ari ib’ibanga.
10.Carla Bruni
Yashakanye na Perezida Nicolas Sarkozy w’u Bufaransa kuva 2008, Carla Bruni yavutse mu mwaka w’ 1967 akaba afite amaraso y’u Butaliyani n’u Bufaransa, kuva ku myaka 19 nibwo yatangiye kwiga mu ishuli ry’ubugeni n’ubukorikori ndetse n’ibijyanye n’imideli.

Uyu mugore afatwa nk’umwe mu banyamideli baciye agahigo mu myaka ya za 90, uyu mugore kandi yanakunzwe mu ndirimbo ze nka L’amoureuse, toute la vie,quelqu’un ma dit,..kugeza magingo aya ni umugore wa Sarkoz akaba afite abana 2 gusa.

Shyiraho Igitekerezo!

[Ibitekerezo]

Related Posts by Categories