Lauw Tjoan Eng ni umugabo w’imyaka 51 utuye i Sawah Besar mu Mujyi wa Jakarta muri Indonésie, akaba imfura mu bana batanu ; yavukanye indwara y’ibiyimba byuzuye umubiri we wose, akaba afite ikibazo cy’umunsi azakira maze agasomana ku nshuro ya mbere.
Lauw yatangiye kurwara afite imyaka itanu, ubwo yazanaga ibiheri mu maso hose no ku mubiri wose, kugeza ubwo yagejeje ku myaka 20 atangira gukeka ko ari indwara y’uruhererekane yo mu muryango dore ko nta n’umwe wo mu babyeyi be cyangwa mubo bavukana arwaye iyo ndwara. Ku bw’inkunga y’urusengero yabashije kwisuzumisha amenya ko atari indwara yo mu muryango.
Nkuko the Sun ibitangaza, Lauw afite ikibazo cy’uko atabasha kugera hanze, kuko iyo agiye hanze abantu bagira ubwoba iyo bamubonye nawe akagira ubwoba bw’ibyo abantu bagenda bamutekerezaho, ibyo byatumye adashobora kwireba mu ndorerwamo, kuko ngo nawe yumva yakwitera ubwoba ndetse nta n’ifoto ye agira.
Uretse ibyo Lauw ajya guhaha mu ijoro bwije cyane ndetse nta n’ahantu ashobora kujya kwaka akazi kuko ntawakwemera kumukoresha, bashiki be bamwoherereza amafaranga yo gukoresha.
Lauw mu buzima bwe ntaregera umugore ariko yizera ko umunsi umwe azakira n’ubwo atazi uburyo azakiramo, yifuza kuzashaka umugore akanabyara abana akagira umuryango we nk’abandi bose akareka kuba wenyine.
0 comments:
Post a Comment
Shyiraho igitekerezo cyawe!